夜。鐵板燒

平時比較少食鐵板燒，今晚有幸受到朋友邀請到尖沙咀｛夜·鐵板燒｝食晚飯，可以見識一下依度有名嘅席前鐵板燒😌成晚都食得好滿意，而印象比較深刻嘅嘢食有：🥢日本木魚湯冷浸梅素麵-酸酸地好清新，食完涼浸浸🌀🥢雙龍出海-龍蝦+瀨尿蝦彈性十足，瀨尿蝦仲有甘香嘅蝦膏，人間美味☺️🥢米芝蓮級甘鯛立鱗燒-先燒脆魚皮一面，再用高湯餵煮甘鯛，精緻嘅一道料理🐟🥢避風塘阿拉斯加鱈場蟹-好惹味，炸蒜同辣椒好香，鱈場蟹腳蟹肉一梳梳，甜到不得了🦀🥢鐵板酸菜東星斑-食鐵板燒都有酸菜魚好特別😮記得要飲埋個湯，味道有層次👍🏻🥢極上和牛炒飯-飯炒得粒粒分明，明明已經食到好飽但都輕鬆食完😆甜品環節都無令我失望🫶🏻來自日本嘅西瓜🍉又甜又多汁，而自家制甜品木糠椰汁奶凍配豆腐雪糕口感同味道都好豐富，令人回味😍