九份飽 (黃埔新邨佳富樓)

营业中

休息中

紅磡一帶好多平民美食，今日同fd試吓呢間台灣菜九份飽。門口排左15分鐘左右終於入得。餐廳裝修幾別緻，有好多燈籠做裝飾。由於我同個fd都十分喜歡香口炸物，決定好似夜市掃街咁專攻炸物，點了：香酥排骨米粉海苔肉鬆起司蛋餅酥炸花枝丸酥炸魷魚香酥排骨米粉，大家都覺得食飯太飽，而台灣米粉一向都好食，果然不負所望，米粉好滑溜，配埋熱辣辣湯底，有半隻滷蛋及菜，很不錯。主角香酥排骨份量多，厚肉食落juicy。用鹽酥炸粉加少少孜然粉調味 ，香脆可口，大推。海苔肉鬆起司蛋餅，有4大件，餡料海苔肉鬆滿晒，蛋餅煎得好香。酥炸花枝丸，大大粒，脆卜卜酥炸魷魚，又係滿滿一大碟，好欣賞呢度用上細條魷魚，好夠味好易咬開飲品：鳳梨紅茶及百香果多多蘆薈，2杯都好好飲，亦做到我味要求嘅走冰少甜。尤其是百香果多多蘆薈，俾足料啖啖都有蘆薈，比起坊間茶飲店更勝一籌。想讚讚呢度侍應服務態度好好，記得我哋走飲筒，亦主動俾碗仔收碟。