驚喜1,
咁我就約左8:30，但職員通知我就話窗邊位已full曬，但結果去到就帶左我地去窗邊位，睇到維港夜景真係好靚！
驚喜2,
食完晒野，準備埋單走，點知職員無啦啦拎住份插左蠟燭同生日牌嘅甜品比我地，我自己都呆左，因為我係完全無點甜品，剩係係OpenRice book嘅時候，寫希望坐近窗口位，因為男友生日。超級驚喜！
講返食物，口味比較重，但我同男友本身愛好川菜，所以都好欣賞！而且賣相好吸引，份量亦適中。
首先點左份頭盤，係炸左嘅膳，脆卜卜又唔腥，好味！
1
之後再叫左4樣野
辣子雞唔算太辣，雞肉嫩滑無雪味！
其次就係呢碟（籃）炸軟殻蟹，下單時職員提醒我地，呢個好辣。而食落又唔係真係太辣，只係香辣級，唔係麻辣果隻。
仲有叫左碗擔擔麵，食到有羊肉味，不喜歡！而男友就成碗食晒！
至於飲品方面，基本上成場都叫酒飲，不過我就覺得食中菜點都要飲返杯茶嘅！
