商場內有勁多餐廳，前幾間可以坐室外的茶餐廳，中間有幾間外賣店，行到尾見有米線舖又好似幾啱食咁，就試佢啦。
有九款湯底揀，仲有勁多小食，比起加餸，小食仲吸引🤤好多都想食，一口氣叫左勁多。
⭐新記招牌粉
朋友要左份招牌粉，貪一次過有多款餸唔使諗，碗粉有香茅魚餅、腩肉、豆腐卜、木耳、冬菇、墨魚丸，而湯底就要左金牌蕃茄湯，茄味濃郁，酸中帶甜幾好味，米線大大碗有咬口，好食喎😋
⭐素食主義
自己就要左碗素，同樣貪佢咩都有😆素碗包括豆腐卜、木耳、冬菇、素燒鵝、支竹、魔芋花，再加左炸醬，而湯底就要左麻酸辣湯小辣，幾好味呀，湯底小麻小辣啱口味，不過食到底有好多酸菜就覺得太酸，哈哈，因為米粉真係好吸湯。
⭐新記炸醬
朋友一向勁鍾意譚x個炸醬，見我加左後佢又追加一份，一個小碟上，炸醬鹹香微辣，正喎👍
⭐炸薯條加川味粉配柚子沙律醬
朋友話要食薯條，哈哈，去米線店食薯條唔得咩🤣正呀，即炸香噴噴，辣椒粉惹味，個沙律醬有柚子香👍
⭐酥炸章魚丸配芥末沙律醬
呢個就自己想食，章魚小丸子外脆內軟，仲粒粒有章魚肉，芥末醬都好味，但小丸子要有蛋黃醬同小丸子醬先得，扣分呀😤
⭐蔬菜餅
呢個係超市買過黎食幾正，見呢度有就叫一份先，炸得酥脆正呀😘
⭐椒鹽豆腐粒
椒鹽香口，豆腐外脆內嫩，咬落熱辣辣，好好味。
⭐大漠孜然雞翼
孜然味勁重，雞翼大隻好正。
⭐黑加侖子味乳酸 & 凍檸賓
前者係有提子味嘅益力多😆利賓納夠濃，兩杯都係酸酸甜甜又冰凍，好飲👍
哈哈，眼濶肚窄，食得好飽好滿足，出去行下海旁先。
