成人120分鐘放題C餐 $268 (19:00前離座)
長者/ 小童120分鐘放題C餐 $198
記得出去兜一個圈
除咗打邊爐嘅火鍋料係手機落單之外
仲有好多自助區域
包括醬料區、熟食區、其他火鍋料區、飲料區、雪糕區
選擇好多
2
仲有17款湯底任君選擇
總有一款啱口味😋
鴛鴦鍋 加$50
沙參玉竹鯊魚骨湯 🙆🏿♀️
第一次試呢個湯底
佢嘅料包括沙參、玉竹、鯊魚骨、杞子
原來佢都有幾強大嘅功效
除咗明目潤肺 仲可以抑制腫瘤生長😲
清清哋 中和返打邊爐嘅邪惡感
豬骨清湯 💁🏿♀️
每日用60斤以上嘅豬骨熬製湯底
無加色粉 仲要日日新鮮煮
除咗含有豐富嘅骨膠原 欣賞佢唔油膩
入邊仲有豆腐同白蘿蔔 令湯底清甜
鍋料選擇好多 以下係我哋當日食過嘅
👇🏻👇🏻👇🏻👇🏻👇🏻
美國安格斯牛肉 🙆🏿♀️ 夠薄切 輕輕一淥就食得 有肉味
日本產黑毛和牛 💁🏿♀️ 相對較有咬口
牛利心托 🙆🏿♀️ 大大片 爽脆口感
紐西蘭羊卷肉 🙆🏿♀️ 推！ 羊味濃 我哋唔怕羊羶味覺得好正 encore再encore
西班牙依比利亞黑毛豬 💁🏿♀️ 肥美 邪惡但可口 成口都係油脂
生猛海蝦 💁🏿♀️ 爽口彈牙 用籤食好方便
手切烏魚片 🙆🏿♀️ 推！ 肉質係軟腍嗰種 咬落鮮嫩
手切白鱔片 🙆🏿♀️ 比較挺身 口感唔錯
手打墨魚丸 🙆🏿♀️ 好爽彈 而且鍾意佢細細粒 一口size
蟹籽手打蝦滑 🙆🏿♀️ 推！ 蟹籽卜卜脆增加口感之餘 入面仲有蝦肉
有營南瓜墨魚滑 🙆🏿♀️ 淡淡南瓜味 估唔到又幾香 又夠晒營養
黑松露手打墨魚滑 🙆🏿♀️ 推！ 黑松露味濃而且配合到墨魚滑嘅Q彈
蔥花鯪魚滑 💁🏿♀️ 都算幾新鮮 小妹打邊爐不可或缺嘅火鍋料
炸魚皮 🙆🏿♀️ 夠脆又唔太碎 浸一浸滾湯就食得
野生竹笙 🙆🏿♀️ 索湯一流 但享受爽口感之餘 要小心唔好焫親
真係花膠 💁🏿♀️ 爽口嗰款 同埋會縮少少
北海道紅肉蜜瓜雪糕 💁🏿♀️ 蜜瓜味都幾出 口感係台灣嘅冰淇淋咁
藍妹啤酒330ml (罐裝) $15
芬達提子汁
養生洛神花茶 🙆🏿♀️ 推！ 味道夠重 而且佢唔止一兩款 大家可以揀適合自己口味/ 唔同功效嘅花茶
加分欄
⭕️ 選擇多
⭕️ 環境闊落
✅ 加一服務費
✅ QR code落單
✅ 醬料區、熟食區、飲料區
