川燒王

营业中

休息中

今日同朋友上堂前行經呢條食街，決定食左先上堂。叫咗火箭魷魚，燒牛仔骨，花甲紅薯粉同麻辣海蜇個火箭魷魚，加左孜然粉，更香更惹味，外面烤到好香口，裏面仍然非常彈牙唔會乾身，大大隻魷魚，啖啖QQ爽口，正！個麻辣海蜇亦都非常之好味，適中嘅辣又開胃，而且啲海蜇非常之爽口，凍冰冰食，確實非常醒神，夠曬惹味有令人一啖接一啖嘅魅力。燒牛仔骨有時都驚會變得好韌，但呢度絕對唔會，燒嘅時間控制得非常之好，食落好嫩口，又有肉味，份量都唔少。仲跟咗檸檬同埋蒜頭令到個味道更加惹味。最後嘅花甲紅薯粉唔夠時間食拎走，返到屋企食嘅時候見到非常多花甲，用匙羹係無法顯示到，所以我要用個大湯殼撈比大家睇，花甲食落好鮮甜冇沙，薯粉QQ吸收晒湯底，好好味。超多份量食物整體嚟講非常好味，絕對有下一次。