一品雲南米線

营业中

休息中

買完餸，個心囉囉攣想食米線。係返屋企途中見到一品，其實都好耐冇食過呢間嘢。因為太耐冇食，所以已經唔記得咗麻辣嘅味道。咁今次叫酸辣湯底，個米線係幼身嘅好滑。但係個腩肉就有少少失望啦，係白灼嘅。豬軟骨嘅肉係入味，但係啲骨仲未煮到半透明。其實呢度最正嘅話，係配料可以加雞脾，份量都好十足。米線配一個雞髀做餸，都係$15 ，性價比相當高。雖然好耐冇食，但係個味道都冇退步。雞髀係有底味，亦都用咗啲香茅嘅配料真係好好食。今次都好好彩，隻雞髀好大隻，感覺相當滿足。