牛陣 (大埔超級城B區)

营业中

休息中

去到拎位服務員態度好好，佢都算多人等位但好快就有位啦！原來一邊係好大嘅！今次我哋試吓佢嘅壽喜燒！入到去坐低佢就會俾個煲我地！枱面都放咗個教學俾我哋，教我哋要點做！同事服務員都不時會，睇住我哋， 怕我哋唔識個程序會幫我地， 有時會幫埋手添！另外我哋都加咗日本蛋（$8），果然係有新鮮！其實一坐低佢就好快上晒我哋嗰餐有嘅嘢食！同時我就急不及待咁出去有啲咩野食！佢全部火鍋嘅材料都係任食㗎！仲有嘢飲任食同埋雪糕任食！佢都有少少熟食！有炸薯格同炸雞！當你真係好肚餓嘅時候就可以食住呢個先啦！佢嘅牛肉同埋豬肉都好新鮮，另外佢啲蔬菜同埋海鮮都唔錯喎！真係有一樣野要大贊！佢係有冰菜食㗎！我係勁鍾意食冰菜嘅！仲有仲有仲有，佢仲有蟲草花任食！真係勁好啊都係我最鍾意食嘅嘢食！總結：食材多款又新鮮，服務態度好，商舖位置坐得舒適！推介！