NUTTEA (時代廣場) (已結業)

為了避免生暗瘡，以前所有奶類製品都轉咗做植物奶🌰🥛 Nuttea 算係少數街鋪茶飲店會有植物奶嘅選擇。我今日叫咗四季春堅果奶蓋🥤 我覺得熱飲都已經本身幾突出到佢本身嘅甜味，叫微糖都好甜，下次覺得叫無糖都試得過🤔 咁樣又可以再減少糖分吸收，避免暗瘡🙈 雖然奶蓋本身非常之挺身，所以茶同埋奶嘅混合唔算好大，咁就茶味會清徹一啲，有奶茶資源，又唔會太過掩蓋茶味👍🏼😀 奶蓋就可以慢慢食😉 佢有個木製嘅小剷子比我可以食奶蓋，都幾方便。