小草十八怪

营业中

休息中

同老細去見客，諗住求其食啲嘢。去到油麻地見到有間光猛又闊落嘅餐廳。睇個樣經濟得嚟又有少少特色，而話不說就入去食。樓底超高感覺好舒服，啲枱都間到好闊唔會好有壓迫感，你知有啲茶餐廳間到好似伸隻手就可以夾到你啲嘢食咁。講返食物，我哋叫咗幾個小食，一個石頭鍋飯。先嚟一杯飲品，超巨型大大杯，有啲畀佢嚇親。九製陳皮炸雞，呢個炸雞好滑。仲有個蝦膠釀豆卜，唔係炸粉一堆，蝦有蝦味，抵讚！仲有個蒜蓉燒生蠔，夠鮮，有蠔味大大隻，有驚喜，抵食！煮食係海皇湯蟹肉石頭鍋飯,呢個係職員喺你面前即刻落啲熱湯去滾熱個飯，應該係話煮熟啲米。蟹肉唔算多，百零蚊收晒貨。最出色係佢個湯飯，飯好爽唔會太腍或者太硬，飯焦亦都唔多。過海皇湯個尾啱啱好入曬。