甜蜜蜜甜品專門店 (已結業)

店鋪係尖沙咀開咗多年，
咁多年嚟，係附近返工已經幫襯過好多次。

隔咗一段時間再嚟，見到價錢都加咗不少，
明白尖沙咀鋪租貴亦可以理解。

但食物質素差咗好多，直頭難食😅！
叫咗個「面面俱圓」-$65，個椰皇偏苦，
入面啲芋圓浸到冧晒🤢

另外叫咗個「焗香蕉卷伴雪糕」-$70，我地食得快，所以幾分鐘就食完個「焗香蕉卷伴雪糕」。點知就即刻俾店員趕走，純粹傾計咁同收銀姐姐講返個情況，反而俾收銀姐姐話😅「係咁嫁啦，繁忙時間食完就要走！」
其實我地坐低咗，連埋食都唔夠15分鐘，「面面俱圓」未食晒已經叫我地快啲走🫠🫠🫠🫠