平昌

营业中

休息中

今日約左朋友食晚餐，一路都未有頭緒食咩，直至搵到旺角呢間平昌就決定食韓燒。最先吸引我既係餐廳環境，裝潢布置都同韓國既烤肉店好接近，好有去左韓國食烤肉既感覺。餐廳分二個menu,世子同大君套餐，第一次黎試左大君套餐,包左豬牛海鮮同韓式熟食。肉類方面，值得一讚既係佢有薄切定厚切肉比人選擇，而且醃肉都做的好出色，好夠味道但又唔會搶左肉既鮮味。海鮮方面，推介魷魚圈同海蜆，海蜆夠大，我同朋友都encore左好多。韓式熟食都唔可以錯過，款式選擇多，有齊炒年糕、海帶沙、純豆腐海鮮湯等特色既韓國料理，而且水準都幾唔錯。