天下無雙

营业中

休息中

天氣咁熱行左一日 無咩胃口食飯，係尖沙咀行街見到間車仔面，仲見到門口貼住既相有好多明星幫襯過，今晚就食佢🥟炸韭菜餃：餃子係即點即包即炸，炸既時間控制得剛剛好，咬開入面仲有肉汁，韭菜十分清香。外脆內軟。🐟滕椒魚皮：魚皮爽口，川辣風味，齒頰留香。🍜懷舊4寶麵：湯底用鸡及金华火腿煲既，清澈而且味道鲜甜！四宝有萝卜、豬红、豬皮及鱼蛋。萝卜软腍香甜。鱼蛋很入味，豬红嫩滑，豬皮軟滑。 🦑無雙魷魚：魷魚超爽彈牙，非常入味，少辣激發食慾，越食越過癮。🍝自由選（午餐肉、雞翼尖、鬼馬炸魚腐）：雞亦尖好入味軟糯。有種入口即溶既感覺。魚腐炸得好脆，然後索埋湯汁入去食口感更佳。🥬油菜：生菜新鮮青綠，入口爽脆清甜。環境：裝修好有年代感，明亮舒服，乾淨企理，服務熱情。