四寶食堂 (已結業)

-🔸招牌沙嗲牛肉公仔麵 $55🔸星州醬燒金薯牛仔骨 $88-同男朋友出旺角行街，行到攰就食快靚正嘅茶記，間唔中我哋都鍾意去茶餐廳食嘢，特別係男朋友最愛沙嗲牛肉，夠地道又好味，重點係價錢都係親民！男朋友當然係揀咗沙嗲牛肉麵，套餐包埋丹麥麵包、炒滑蛋同熱飲。個沙嗲非常濃郁、好重花生醬味，而牛肉都係厚切有口感又有牛味，好高質。我就叫咗養生燉湯晚餐，揀咗牛仔骨小菜配白飯，重點係有盅靚湯飲，今晚係蘋果雪梨無花果煲瘦肉，啱晒秋冬潤一潤！