天下無雙

营业中

休息中

今日同朋友行開尖沙咀，意外發現呢間車仔麵小店😛一入去就聞到濃濃嘅湯底香味，令人忍唔住想試下😋車仔麵配料款式多😋首先，蘿蔔真係好清甜，咬落去好有口感，令人覺得清新。再講講墨魚餅，口感爽口，裡面有好多墨魚粒，食落真係好滿足🤩陳皮魚蛋都好食，味道恰到好處，唔會太膩。至於豬手，入味得嚟又唔油膩，每一口都充滿咗肉汁，真係唔可以錯過。而魚肉燒賣就更加唔使講，簡直係一絕，鮮味十足，我同朋友都食唔停😛😛飲品方面，鹹檸七真係好飲，酸酸甜甜，啱啱好解渴!最後，呢度嘅秘製麻辣醬真係好香，配上任何食物都提升咗層次感!再講，老闆娘真係好好人🫶多謝你 我一定會再返來幫襯！