影片
更多
2023-09-08
92 浏览
小編有次經過呢間餐廳，見泰式風情十足，而且長期都好多人食，就bookmark左佢。今日同朋友慶祝生日終於試到啦，而且仲有好好嘅體驗！ 🧆泰式拼盤 $138 泰式拼盤入面都有幾款小食，包括蝦餅、炸魚餅、春卷、串燒雞，配搭咗三款唔同嘅醬。雞肉串燒記住點沙嗲汁，味道更好食！拼盤嘅小食全部都熱辣辣，好香口！小編建議大家記住襯熱食！ 🐟泰式明爐烏頭$158 泰式明爐烏頭有大半手臂咁長，味道酸酸甜甜，啲魚肉好滑而且一啲都唔腥！餐廳 更會隨魚俾多碗汁你，怕煮乾左條烏頭會唔好食，好貼心呀！ 🍝泰式鮮蝦炒金邊粉 泰式鮮蝦炒金邊粉整體炒得好好，金邊粉唔會痴埋一PAT野，條條分明，而且酸甜味道好適中！鮮蝦都算幾大隻，而且口感都幾彈牙！ 🦪泰式煎蠔餅 $78 泰式煎蠔餅係用鐵板上，上枱嗰陣仲係好熱！蠔餅煎得金黃香脆，而且蠔仔份量非常多，啖啖食落去都咬到蠔仔 🥭芒果糯米飯 $50 芒果糯米飯分別由紫糯米同白糯米組成，兩種糯米都好香糯，配上大量椰漿，小編真係好滿足！不得不提吓啲芒果，係好香甜嘅水仙芒，而且係熟透又靚仔嘅芒果！ 小編要係呢到讚下餐廳嘅員工，因為佢地真係好有禮貌，好細心，又會主動加水，服務嚟講，係小編
🧆泰式拼盤 $138
泰式拼盤入面都有幾款小食，包括蝦餅、炸魚餅、春卷、串燒雞，配搭咗三款唔同嘅醬。雞肉串燒記住點沙嗲汁，味道更好食！拼盤嘅小食全部都熱辣辣，好香口！小編建議大家記住襯熱食！
🐟泰式明爐烏頭$158
泰式明爐烏頭有大半手臂咁長，味道酸酸甜甜，啲魚肉好滑而且一啲都唔腥！餐廳
更會隨魚俾多碗汁你，怕煮乾左條烏頭會唔好食，好貼心呀！
🍝泰式鮮蝦炒金邊粉
泰式鮮蝦炒金邊粉整體炒得好好，金邊粉唔會痴埋一PAT野，條條分明，而且酸甜味道好適中！鮮蝦都算幾大隻，而且口感都幾彈牙！
🦪泰式煎蠔餅 $78
泰式煎蠔餅係用鐵板上，上枱嗰陣仲係好熱！蠔餅煎得金黃香脆，而且蠔仔份量非常多，啖啖食落去都咬到蠔仔
🥭芒果糯米飯 $50
芒果糯米飯分別由紫糯米同白糯米組成，兩種糯米都好香糯，配上大量椰漿，小編真係好滿足！不得不提吓啲芒果，係好香甜嘅水仙芒，而且係熟透又靚仔嘅芒果！
小編要係呢到讚下餐廳嘅員工，因為佢地真係好有禮貌，好細心，又會主動加水，服務嚟講，係小編最近去過嘅餐廳中嘅TOP 3!
张贴
