影片
更多
2013-12-09
2559 浏览
星馬菜相信大家都唔會陌生, 特別係肉骨茶, 叻沙, 海南雞飯等等, 不過係香港要搵地道又好味既星馬菜, 你一定要去香港盛貿飯店- 馬來一菜館試試!香港盛貿飯店係西環石塘咀, 近山道, 要去都真係幾遠, 不過好在香港盛貿飯店有免費穿梭巴士係香港機場快線出口接送, 10分鐘唔駛就到達酒店, 方便左好多!馬來一菜館將馬來西亞與新加坡的舊城風味帶到香港, 店內亦有古舊的馬來相片, 還有按人數設有3種不同的桌椅, 有SOFA, 有長椅或方檯可選. 店內裝修及陳設簡約舒服, 有少少暗的燈光份外有情調.先吃前菜, 好似有沙嗲牛肉及雞肉串燒, 燒得好香又充滿了香草味, 伴碟配有青瓜, 洋蔥及米糕,, 配有花生粒的醬汁, 在吃完串燒後再用竹籤拮掂醬食. 牛肉燒得特別好味, 我都忍唔住多左3串!仲有用上了檳城蝦醬配時令生果及油炸鬼的囉惹醬蔬果沙律, 生果清甜爽脆又多汁, 當中包括了楊桃, 霧蓮等等, 口感好好!炒蘿蔔糕亦幾好味, 用了黑豉油炒, 帶有微辣, 蘿蔔糕軟滑又吸味!第一ROUND最好味既就係馬來巴東牛肉, 用了牛展黎做, 炒得乾身, 十分入味又好淋, 配埋不是油淋淋又香脆的手抓餅夾起一齊食, 是
香港盛貿飯店係西環石塘咀, 近山道, 要去都真係幾遠, 不過好在香港盛貿飯店有免費穿梭巴士係香港機場快線出口接送, 10分鐘唔駛就到達酒店, 方便左好多!
馬來一菜館將馬來西亞與新加坡的舊城風味帶到香港, 店內亦有古舊的馬來相片, 還有按人數設有3種不同的桌椅, 有SOFA, 有長椅或方檯可選. 店內裝修及陳設簡約舒服, 有少少暗的燈光份外有情調.
先吃前菜, 好似有沙嗲牛肉及雞肉串燒, 燒得好香又充滿了香草味, 伴碟配有青瓜, 洋蔥及米糕,, 配有花生粒的醬汁, 在吃完串燒後再用竹籤拮掂醬食. 牛肉燒得特別好味, 我都忍唔住多左3串!仲有用上了檳城蝦醬配時令生果及油炸鬼的囉惹醬蔬果沙律, 生果清甜爽脆又多汁, 當中包括了楊桃, 霧蓮等等, 口感好好!
炒蘿蔔糕亦幾好味, 用了黑豉油炒, 帶有微辣, 蘿蔔糕軟滑又吸味!
第一ROUND最好味既就係馬來巴東牛肉, 用了牛展黎做, 炒得乾身, 十分入味又好淋, 配埋不是油淋淋又香脆的手抓餅夾起一齊食, 是超級美味的!!!! 是我個人推介!!
馬來一菜館的蔬菜都係特別由星馬新鮮用飛機送運回來的, 特別係怡保芽菜及咸魚炒椰菜苗, 都只限星期五六日才有供應呀! 怡保芽菜不似平常的芽菜, 其粗度好似銀針粉的, 十分爽脆, 椰菜苗亦十分清爽, 果然是新鮮貨! 還有森巴醬炒秋葵, 朋友中不吃秋葵的也大讚好味!
來吃星馬菜, 必定會選別海南雞飯, 馬來一菜館的海南雞飯用了新鮮走地雞, 雞皮好薄又無肥膏, 雞肉十分嫩滑, 最緊要是有雞味的, 絕不是雪藏雞! 配上的醬料都是菜館自行調配的!當晚的Special Menu上有一道Penang Oyster Omelette蠔餅, 用了木薯粉做底, 炸得又香又脆, 再加上肥美生蠔仔, 仲好食過台灣個D!
星馬菜中還有必食的肉骨茶, 未飲已聞到好香的肉味, 有淡淡的藥材味, 配上了鮮嫩的肉排及脆卜卜的油炸鬼, 怕飲胡椒味肉骨茶的朋友一定要試試.另外還ORDER了特色的檳城亞參叻沙及檳城炒貴刁, 叻沙的味道新鮮, 因為用了帶酸味的辣魚濃湯底及米線, 湯內還有菠蘿, 薄荷, 青瓜, 蔥頭及薑花配菜, 味道特別.
食到呢到都差唔多好飽啦, 最後梗係要留番肚皮食甜品啦!我們點了必吃的咖央多士, 香蘭椰絲卷, 沙冰及最出名的榴槤布甸, 咖央多士即製的, 上檯後要立即食用, 多士淋左就唔好食架啦, 我建議ORDER一杯馬來西亞特色咖啡, 用來沾多士食, 你一定會愛上呢個口味!
香蘭椰絲卷用了新鮮椰絲及椰糖炒成, 再用班蘭薄餅包住, 暖暖的食落又係另一個感覺, 有清淡的椰子味及班蘭味, 又不太甜, 做飯後甜品唔會肥!
還有Special Menu上的Ice Kacang沙冰, 用了沙士及玫瑰醬, 真係沙士汽水的味道! 底部仲有椰果及亞答子等等生果, 用黎清清味蕾都唔錯.
榴槤一向係我既至愛, 馬來一菜館更用了貓山王榴槤黎做榴槤布甸! 布甸口感好滑亦不易散, 好香榴槤味, 鍾意榴槤既朋友一定會愛上佢, 我一邊食一邊叫好味! 我知道仲可以外賣架!
最後唔好忘記馬來一菜館有幾隻特色飲品, 粉紅色既係玫瑰特飲, 是一杯玫瑰加牛奶既特飲. 仲有香茅特飲, 內有班蘭味果凍, 仲有薏米水, 薏米水是無糖的, 可按自己喜好加糖, 當然仲要飲馬來西亞咖啡啦! 原來馬來西亞咖啡係唔會加奶架, 而且亦已加糖添!今次我地一行10人真係攬住個肚走呀, 不要以為馬來一菜館係酒店內會好貴, 其實係一般西餐廳既價錢, 例如咖央多士係$22, 串燒係$72/6串, 巴東牛肉係$88, 特飲係$23, 真係抵食喎!!!
张贴
