1
① 雙冬扣黑草羊腩煲 $368
賣相唔錯，但可能羊腩鋪面浸唔到個汁，成班人一見到滾就搶食，食落件件都唔腍，徙晒！其實羊腩都幾大件，不過我地再等佢滾耐啲都唔夠腍。
② 金玉麻辣花雕雞煲 $498
被喻為店家必食雞煲，個煲好大個，一打開…都算好多料，花膠夠多夠大件，但雞就唔係好入味，肉質唔係好嫰。
③ 黃金珍寶蝦球 $158
呢個黃金蝦球一上枱就搶，相都無影，好食！個黃金醬撈飯一流！
④ 黑椒薯仔牛柳粒 $138
⑤ 魚香茄子煲 $108
⑥ 生拆蟹粉扒豆苗 $138
牛柳粒同茄子煲都係正常大排檔質素，至於個蟹粉扒豆苗就一般般，唔係好有蟹味。
.
整體覺得餐廳環境同服務都一般，特別一黎比侍應既回應拋疾左。當晚隔離枱有個客一坐落張櫈就爛左，成個人撻落地發出巨響！好彩人無事，餐廳除左致歉都識做送左兩枝啤酒。唔計個羊腩煲我唔知係咪我自己問題，其他食物質素就正正常常，唔突出，價錢唔算平，性價比唔算高。
