影片
更多
2023-01-29
49 浏览
.呢晚又去左啟岸食飯啦😌 因為真係好就腳🤣🤣 野食種類又多 今次就食呢間喺一樓 見佢係一間主打西班牙Tapas嘅餐廳 食完覺得佢係又結合左唔同烹調手法嘅fusion菜😋 野食非常精緻 彷如食緊日本料理咁樣🇯🇵.我地就叫左個5-Course Dinner Set $498有一人份 同時叫多左個十勝豬腩🐷🐷$288 當多一個main course✨.🐷魷魚軟骨 （小食）👅8/10 呢個魷魚軟骨有種幾fresh嘅感覺✨ 凍凍地 軟骨好爽脆 經醃製後味道幾正 做小食幾開胃😋食落好有食日本丼飯嘅小前菜🇯🇵😛.🐷招牌西班牙水果茶 👅8/10 $58一壺成壺水果茶都好香果味 而且有少少濃稠 好有真材實料嘅感覺 而唔係溝水溝稀曬😁 店員仲好貼心咁樣分咗兩個杯🥂俾我哋 啲水果，仲擺咗喺我哋個杯上面 而唔係擺喺個壺裏面🍊🫐🍐 .🐷Starter黑毛豬火腿及辣肉腸火腿 各20克 👅8.5/10開頭以為得幾塊火腿 原來仲配左兩塊包同水橄欖😂😂呢個麵包係酸種面包 整到脆脆地✨ 非常香😛 黑毛豬同辣肉腸都係經過風乾 味道非常香 有少少煙薰味🔥 加埋一齊嘅口感非常豐富🐷 另外 仲有啲水橄欖🫒 可以擺埋一齊食 口感更
呢晚又去左啟岸食飯啦😌 因為真係好就腳🤣🤣 野食種類又多 今次就食呢間喺一樓 見佢係一間主打西班牙Tapas嘅餐廳 食完覺得佢係又結合左唔同烹調手法嘅fusion菜😋 野食非常精緻 彷如食緊日本料理咁樣🇯🇵
.
我地就叫左個5-Course Dinner Set $498有一人份 同時叫多左個十勝豬腩🐷🐷$288 當多一個main course✨
.
🐷魷魚軟骨 （小食）👅8/10
呢個魷魚軟骨有種幾fresh嘅感覺✨ 凍凍地 軟骨好爽脆 經醃製後味道幾正 做小食幾開胃😋食落好有食日本丼飯嘅小前菜🇯🇵😛
.
🐷招牌西班牙水果茶 👅8/10 $58一壺
成壺水果茶都好香果味 而且有少少濃稠 好有真材實料嘅感覺 而唔係溝水溝稀曬😁 店員仲好貼心咁樣分咗兩個杯🥂俾我哋 啲水果，仲擺咗喺我哋個杯上面 而唔係擺喺個壺裏面🍊🫐🍐
.
🐷Starter
黑毛豬火腿及辣肉腸火腿 各20克 👅8.5/10
開頭以為得幾塊火腿 原來仲配左兩塊包同水橄欖😂😂
呢個麵包係酸種面包 整到脆脆地✨ 非常香😛 黑毛豬同辣肉腸都係經過風乾 味道非常香 有少少煙薰味🔥 加埋一齊嘅口感非常豐富🐷 另外 仲有啲水橄欖🫒 可以擺埋一齊食 口感更豐富 更加可以解下油膩😁
.
🐷Toast
生牛肉他他多士 👅8/10
少少酸酸地 個醬應該有少少檸檬汁🍋 調一調味 牛肉被打成了肉碎 打到口感非常細滑✨✨ 塊面包亦都焊到脆一脆 牛肉細滑 醃香脆嘅多士 令到加埋一齊口感有兩種層次😁
.
🐷Tapas
流心芝士配自家醃日本桃 👅8.5/10
呢個配搭聽落奇奇怪怪 越奇怪嘅野我越想試🤡🤡 個桃肉🍑醃製過 非常軟 亦都炙燒過🔥🔥 所以有啲輕輕被燒過嘅痕跡 燒過更加香 口感有少少似食緊刺身咁正✨ 仲有個芝士配埋 無論係味道定口感方面都非常夾😋 仲有啲沙律菜配埋一齊🥗✨✨
.
🐷Main
招牌西班牙海鮮炒飯 👅8.5/10 $248（二人份）
呢一個炒飯 我地覺得係Fusion 野黎🤣🤣 因為炒飯上面有炙燒過嘅蝦🦐同左口魚 蝦好香 左口魚肉質有少少彈牙爽口 同埋有三文魚籽 一咬開啲三文魚籽 成個口裡面啲飯都充滿住三文魚籽嘅鮮味🤓🤓🤓（非浮誇） 好似食緊日本料理咁🐷 然後下面個西班牙炒飯仲有啲魷魚🦑 西班牙炒飯原來唔似我地食開茶餐廳炒飯咁乾身 佢個texture類近意大利飯 都係少少濕濕地咁樣 個飯底個汁都好香✨
.
🐷慢煮北海道十勝豬腩配泰式醬汁 👅9/10 $288 （另外叫的）
菠菜沙律 同啲豬肉一齊食好正 菠菜沙律🥗裏面仲有啲西柚✨ 成個感覺更fresh💚 豬嘅口感好正 唔會韌 味道都好香 上面仲配左啲泰底醬汁 令到覺得有少少食緊泰國野嘅感覺🤣🤣 仲有啲豬油🐷🐷滲出黎😌😋😋 豬肉嘅份量仲要係幾多下 冇數錯嘅話有9大嚿咁多豬肉 嚿嚿都係大大嚿 唔姑寒架‼️
.
🐷Dessert
特濃朱古力心太軟配柚子雪葩 👅8.5/10 +$28
呢個朱古力心太軟好正🍫 因為裡面流心好勁 仲要焗到熱一熱 我地好中意食熱辣辣嘅 （當然係岩岩好 唔會燙口咁熱😂）個心太軟本身都幾大嚿 絕對唔係細細舊咁姑寒 仲配左個柚子雪葩喺隔離 一凍一熱咁樣食 非常好食✨ 平時食開可能都係配啲雪糕 好多時都係配雲尼拿或者朱古力雪糕 但原來配柚子雪葩都係一個好好嘅配塔 柚子味道亦都好fresh💚
.
極推各位可以帶男朋友女朋友 或者屋企人 朋友一齊黎呢到食野 因為野食真係高質✨✨ 絕不馬虎🙅🏻♀️🐗🐯 而且店內環境好好 播嘅歌都係大部分人識嘅英文歌 好帶動到好嘅氣氛✨✨ 不妨同最美的人黎呢到分享一個最美的夜晚 哈哈哈哈🤓🤓
.
味道👅：8.5/10
賣相👀：9/10
扺食💰：8/10
服務🙆🏻♀️：9/10
张贴