QUE (ELEMENTS圓方)

营业中

休息中

成日喺附近睇戲經過都好想試呢間餐廳，因為見到佢環境好靚，而且通常都好多客人，不過一直以為喺圓方嘅餐廳都會比較貴，今日好彩睇到Menu，原來價錢一啲都唔貴，睇完戲就同朋友嚟試吓啦。呢度嘅食物名稱都好特別，好有文青嘅感覺。我哋叫咗個海膽壽司taco，本身對taco唔係有咩偏好，但係估唔到呢度好好食，因為佢嘅材料份量好多，而且海膽食物都好新鮮，原來襯埋脆脆嘅外層，食落真係好出色。另外我哋仲叫咗個鰻魚茶漬飯，估唔到份量好多，而且鰻魚食落調味好好，茶漬飯唔會太濃味，啱晒鍾意清淡嘅女仔食。我哋叫咗個花瓶，原來係一個甜品嚟嘅，佢除咗名靚之外賣相都好靚，而且食落唔會太甜，有少少花香味，好適合女仔食。最後，呢個靜物與梨都好值得推薦，佢嘅賣相好靚，而且好適合食飽之後食，感覺有啲解滯，而且都好適合打卡。