甜沁園

营业中

休息中

今日去太子搵朋友食飯， 朋友話公司樓下開咗間甜品店好抵食， 除咗甜品又有粢飯又有便當， 最後我哋決定買返朋友公司食。和風牛肉粢飯： 即叫即制拎到返公司仍然暖笠笠， 餡料豐富， 牛肉嫩滑醬汁惹味米飯軟糯，大大件抵食。和風牛肉便當：呢個便當真係要大推，牛肉鮮嫩多汁調味洽到好處，伴菜豐盛， 有酥脆嘅唐揚雞，芝麻八爪魚， 仲有青瓜同黃蘿蔔青脆爽口。香芒楊枝甘露：果肉鮮甜多汁與椰香嘅香滑完美配合， 配搭清甜柚子同西米口感富有層次， 甜而不膩。奶蓋丸子豆花：小丸子煙煙靭靭有嚼勁， 珍珠q彈， 豆花香滑豆味濃郁， 奶蓋芝士味香濃， 配搭小丸子豆花味道好夾， 大滿足。