神戶屋日韓放題

营业中

休息中

好多人都知道呢個商場堪稱放題天堂，一想食放題就會諗起黎呢度，我都食過好幾間，今次就一早訂定位，同屋企人食神戶屋。食放題大家最關心就梗係點回本，所以最緊要睇下D刺身夠唔夠靚先！叫左三文魚、海膽、甜蝦、玻璃蝦、魷魚、帶子及蟹棒等，全部食落都非常新鮮，特別係三文魚好肥美，海膽入口即溶，平日呢個級數喺出面日式餐廳食閒閒地要2、300蚊，而家食多幾盤就好快回到本仲分分鐘有賺，哈哈！蒜香一口牛一啖一件好過癮，牛肉粒夠淋，整得相當入味，一放上枱就好搶手，好快比大家消滅左。燒炸物質素都唔錯，其中芝士年糕熱辣辣又好煙韌，香味濃郁，十分滋味。雞軟骨炸得香脆可口，咬落好有嚼勁，用黎佐酒非常匹配。天婦羅好酥脆，唔會太油，其中炸蝦天婦羅更令我地一再encore。