餐廳提供一個~$500的2人餐，但素菜🌱選擇有限，有啲自選項目要額外加錢（如跟黑松露野菌意粉🍝+$30），計落唔係平好多，所以最後散叫。
港式梅菜豚肉丸和風咖喱飯🍛：賣相同咖哩的味道一般；狗狗爸爸話肉丸🧆有梅菜味道，雖然呢個中日混合幾特別，但如果將梅菜肉餅的用料搓成肉丸，份量應該比碟上的4粒肉丸大，所以感覺係噱頭>實際，而個份量對男人嚟講，應該唔太夠
1
烤椰菜花扒配炒野菌🥦：單約論價錢（$128），CP值係好低，因為椰菜花都平，呢個size可能$5有找。但係外食難得有健康菜式🌱，加上佢味道好👍🏻，飽肚感足，可以推介❕
1
凍朱古力🥤：色水好淡，但朱古力味都👌🏻，只係過甜，未至於伏，但唔係太值
（寵物🐶🐱鮮食）鴨肉🦆：如果餐廳有pet menu，我哋一般都會點俾狗狗🐕。呢度的pet food係寄賣，餐廳只負責翻熱，食物唔平，鴨肉$89，不過只要狗狗食得開心😋就得啦
1
整體嚟講，餐廳係贏環境，店內佈飾色彩繽紛，適合打卡；有個戴冷㡌的男店員非常熱情，呢啲都係加分位。部分食物有啲特色，亦幾好食，只係份量一般；餐廳所有食具都係即棄，好唔環保🫣。如果當係外賣咁睇，食物的性價比好低。不過，嚟得都係愛狗之人，最重要係狗狗受到尊重❤️，所以好難用評價一般餐廳的標準去看待。最後，餐廳有2大扣分位🥲：（1）呢度連要1杯清水都要俾錢💸餐廳買咗隻紙杯先；（2）出去拎狗狗的餐食時，我問遞俾我的店員啲食物會唔會太熱🔥，佢話唔清楚，唔介意的話可以攞餐具幫我篤入食物度試下溫度。差唔多$90份餐，連翻熱後的溫度🌡️係咪適合狗狗即時進食都唔知，有少少唔專業。
🐕狗狗食評：嘩哈哈😃😃😃，今日我有自己個餐呀🍽️！爸爸、媽媽話俾我揀食乜，原本我㨂咗駝鳥肉肉，等媽媽俾完錢，餐廳先話冇貨🥲，要我轉食鴨肉🦆，不過，我都食得滋味既😋。餐廳入面除咗有一區我唔入得🚫，其餘地方我都可以行下，都幾free。另外，餐廳仲有尿墊供應，不過我乖乖，冇痾到~
1
1
