咖吔

营业中

休息中

好耐冇去旅行好掛住星馬嘅美食，今日晏晝就去咗坑口嘅咖吔食下午茶，下午茶嘅價錢都好抵，而且份量都唔會少過lunch好多。🍴新加坡喇沙摻摻 $62呢個湯底真係好正，好濃郁同濃味，仲可以加佢比嘅青檸同埋辣醬，加咗青檸有酸酸嘅味道，令到喇沙更加多層次。摻摻係米粉加油麵，兩種面Max埋一齊都好正，米粉好吸湯，啲餸都好豐富，有蝦，雞蛋，魚蛋，魚片，豆卜等等。食得好滿足呀！🍴香芒大蝦米紙卷 $68顏色真係好豐富呀，望到都想食，芒果大蝦呢個配搭好夾，加埋青瓜紅蘿蔔同埋椰菜，健康得來又好食，個底仲有啲芒果醬添！