✨先付
日本超甜蕃茄配淡雪鹽、北海道瀨尿蝦、
豆腐湯頁；湯頁加上咗師傅悉心挑選嘅自家醬汁，入口好夾且黃豆味出眾。
✨刺身三點
青森縣海膽肉身好厚肉，味道相對濃郁一啲；生蠔先要蒸2分鐘，令到外皮相對脆身，入口帶點creamy，蠔身一分為二同樣肥美，加上咗黑胡椒更加能夠做到提鮮嘅效果；勢子蟹蟹肉嘅外籽同內籽都極度澎湃，襯上用蟹殼特意調配嘅芡汁，添一份濕潤感，蟹味亦確係濃郁，可以自行將三者攪拌再進食！
✨向付刺身三點
鮫魚、 木江茨魚、螢光魷魚🦑
最特別肯定呢一個酥炸木江茨魚，魚肉炸過後依舊帶有水份，內臟部份都唔會特別苦澀，真正可以由頭食到落尾；螢光魷魚加上蛋黃醋一解膩口；鮫魚魚味特出！
✨壽司七貫
石湖鯛襯上蒜子豉油，口感爽彈得過份，油潤度充足；黑北寄貝份外鮮甜，口感偏向爽脆；赤身、中拖羅色澤明顯見到分別，魚味濃重；地金木鯛、池魚比喺一般食到嘅爽嫩；白海膽絕對係精華所在，油潤又清甜再包上紫菜，真係垂涎三尺，念念不忘。
✨止捥
餐廳自己煲煮，用上白神山雞肉🍗味道清甜濃香！
✨毛蟹燒賣
一拎出嚟真係嚇親，師傅用上咗毛蟹嘅蟹肉，整成嘅燒賣食落去相當特別！賣相非常吸引。
✨水物
佐賀淡雪、靜岡赤肉密瓜，完全係誠意之作！
🫶🏻師傅真係每一款菜式都係精心挑選，更加會去日本🇯🇵試試當地嘅味道再鑽研！大推一個!
