太陽系委員會

营业中

休息中

① 馬灣可樂 $25其實本身我係為左呢罐可樂而過來，但原來馬灣人都唔知有呢個馬灣可樂！介紹是用新鮮橙汁、青檸汁、豆蔻、原條肉桂等10種天然材料，加上有氣梳打水調製而成。味道跟可口可樂是不一樣的，飲落反而有點似有橙味的沙士。② 花雕蟹意粉2.0 $158蟹餅第一啖幾重花雕味，但繼續食冇咁突出，意粉亦有蟹肉同洋蔥，味道唔錯。③ 甘筍嫩雞燉飯 $118賣相幾靚，雞肉望落似白烚，但其實唔嚡，仲幾好味，不過個飯味道有點偏鹹。.餐廳主食只有三款，選擇唔算多，不過款式口味特別，賣相幾好，只是份量不多，性價比唔算好高。見到其他食客的飲品甜品好似幾吸引，不過今次無試到。窗外青馬靚景真係靚，涼住冷氣坐後排都好Chill。而且店內有不少舊物翻新，例如龜苓膏雪櫃，劇院排櫈，勝家牌衣車改造成餐枱等等，感覺幾正。