原來宜家都多咗唔少菜色
兩位選擇困難症嘅女士食飯，最尾都係叫一個2人餐😂
3
迷你肉骨茶
香氣濃郁但不過份搶味，帶有淡淡藥材嘅甘甜及胡椒辛辣感，湯底暖胃又滋補。肉骨茶所用嘅排骨選材優質，經過長時間燉煮，肉質軟腍，輕鬆從骨頭剝落，份量上一人一碗都好精緻
話梅聖女果酸甜開胃，為整餐添上清新口感
每次嚟食都好掛住呢一個前菜
沙嗲串燒香氣誘人，肉質彈牙，調味適中，好食得嚟冇負擔
叻巴辣椒炒通菜
清爽帶辣味通菜炒得火候適中，依然保持爽脆
天天海南雞（中份）
雞肉皮脆肉嫩，烹調技術恰到好處，保留咗鮮嫩嘅質感同雞汁嘅豐富。配搭餐廳特製嘅雞油飯，飯粒香氣撲鼻，油潤但不油膩，飯同雞肉嘅結合完美。附帶嘅醬汁平衡咗雞肉嘅味道，唔會掩蓋主菜嘅原味，反而提升咗層次感，令人好想再嚟多一碗飯。
白咖哩香茅豬扒
咖哩湯汁香氣十足，帶有淡淡嘅香茅清新味及細微辛辣感，令人口感層次分明。豬扒炸至金黃脆口，裏面嘅肉質仍保持嫩滑，非常好下飯
咖央多士
多士烤得金黃香脆，抹上香甜嘅咖央醬，甜度適中，配埋流心蛋，令人有心滿意足嘅感覺。
3
