帕維亞意大利餐廳

营业中

休息中

九龍城除咗有泰國嘢食之外，仲有一間唔錯嘅意大利餐廳！今日去完九龍城按摩，同朋友就決定喺九龍城食埋個晚飯先返屋企。 喺打鼓嶺道經過呢一間餐廳，望入餐廳入邊雖然人唔算多，但個環境外觀加埋個餐牌都好吸引，決定試一試。由於唔算太肚餓，兩個人點左龍蝦湯、北海道帶子墨魚麵、西班牙黑毛豬。龍蝦湯同出面一般餐廳嘅顏色有少少唔同，呢間餐廳好明顯係用新鮮嘅食材去熬製呢個龍蝦湯，湯有濃濃嘅龍蝦鮮味， 配埋幾粒龍蝦肉，味道一流。飲完個湯，有禮貌嘅侍應好快就上咗第二度菜，北海道帶子墨魚麵。 呢個墨魚汁意粉唔會食到啲牙黑萌萌，好香嘅蒜蓉味，而帶子亦鮮味非常。 味道好正！最後一道菜就係燒西班牙黑毛豬，侍應小姐介紹呢隻黑毛豬係食橡樹果， 所以豬肉唔煮到全熟都唔會有問題， 件碟係薯蓉加蔬菜， 要提一提呢個薯蓉非常之好食，唔係一般餐廳用粉開嘅薯蓉，係用新鮮薯仔打爛而成， 十級好味！！！黑毛豬配有一個酸酸地嘅特製醬汁，係呢間餐廳嘅廚師特製出來，由於個人唔太喜歡酸味，所以我就試點咗小小就算！同行朋友就覺得味道好正！呢間餐廳食物質素高，價錢合理，環境亦都非常之舒服，侍應態度十分之好！一定會返轉頭再幫襯！