二鍋頭 (福苑)

营业中

休息中

好耐冇食過雞煲，今次見二鍋頭好多人介紹，出名又平又好食，所以特登嚟試吓。依度價錢好吸引，任食雞煲加埋火鍋都只係$148一位，仲要唔限時，真係抵到爛。我哋揀咗小辣，味道濃郁，小辣來講唔會好辣，適合啲食唔到辣嘅人。雞嘅份量都幾多，全部都大大件，相當惹味。食完雞煲之後可以直接打邊爐或者轉湯底都可以。我地火鍋上清淡啲所以轉左芫荽皮蛋湯，火鍋配料都十分之多，肥牛，丸類，蔬菜等等。火鍋配料都幾新鮮，我最鍾意食鮮滑牛，有牛味得黎肉質好滑，追加左幾次🤣🤣🤣除咗食物，飲品都非常多種類，啤酒汽水，茶類全部都有。依個價錢黎講絕對係超值！