丸作食茶 (禮頓道)

营业中

休息中

今日路過銅鑼灣時見到這間上次係中環飲過都唔錯的台式飲料店，因為上次去到個黑糖珍珠奶茶賣哂，好似幾好飲咁，所以就試一試。店舖經理都相當有心機同我解釋一下佢地唔同的黑糖製品。佢話拿鐡的意思唔係咖啡，而係茶加上鮮奶，而menu上寫上奶茶的則係茶加上奶精，飲落會人工少少。係佢的推薦下，我就叫左個黑糖珍珠紅茶拿鐡，仲加左奶蓋。關於奶蓋的部分，因為包裝上冇一個飲口，奶蓋都係要用飲管，所以味道唔係好出。不過飲落唔會太甜，都真係有鮮奶味道，係唔錯的。珍珠的黑糖亦濃，咬落彈牙。