影片
更多
2017-11-19
2297 浏览
一向頗愛吃甜，尤其是「蛋糕」，簡直是開心的代名詞，因為每逢有喜興節日、快樂時刻，很多人都鍾意用蛋糕嚟慶祝，令氣氛更熱鬧歡愉。雖然近年因年紀漸長，嗜吃蛋糕的狂熱，已經收斂咗好多，不過對這種甜食，始終有份情意結。早排去銅鑼灣 Shopping，順道走訪「Twinkle Baker Decor」，並且選購了幾件「扮清糕」Cupcake，食完後，覺得好滿意，既有外表、又有內涵。近日從網頁得知，「扮清糕」出咗新系列，今次唔再用「茶餐廳」做主題，而係走入茶樓扮「港式點心」小籠包！瀏覽過網上照片，見呢款蛋糕造型亮麗，幾可亂真，所以立即用電話訂咗，趁這天飲完茶，就和家人過來取餅。到達後，先去餅櫃看看，原來店子最近都出咗唔少新花款嘅蛋糕：戀戀綠茶、輕羽紫薯、白桃花語，不但賣相吸引，連個蛋糕名都優雅過人；不過由於今次已經有心水目標，還是留待下次再嘗吧！頂點小籠包 ($188)，蛋糕 Size 不大，只有 4 吋，非常適合兩口子或小家庭分享。先細心欣賞下，個外形同小籠包真係好神似，調色工夫得宜，而且 Detail 位造得好仔細，好有立體感，尤其是小籠包嘅外皮，做到一摺摺，嘗一口，原來係雲呢拿忌廉嚟，入口甜而
早排去銅鑼灣 Shopping，順道走訪「Twinkle Baker Decor」，並且選購了幾件「扮清糕」Cupcake，食完後，覺得好滿意，既有外表、又有內涵。近日從網頁得知，「扮清糕」出咗新系列，今次唔再用「茶餐廳」做主題，而係走入茶樓扮「港式點心」小籠包！瀏覽過網上照片，見呢款蛋糕造型亮麗，幾可亂真，所以立即用電話訂咗，趁這天飲完茶，就和家人過來取餅。
到達後，先去餅櫃看看，原來店子最近都出咗唔少新花款嘅蛋糕：戀戀綠茶、輕羽紫薯、白桃花語，不但賣相吸引，連個蛋糕名都優雅過人；不過由於今次已經有心水目標，還是留待下次再嘗吧！
頂點小籠包 ($188)，蛋糕 Size 不大，只有 4 吋，非常適合兩口子或小家庭分享。先細心欣賞下，個外形同小籠包真係好神似，調色工夫得宜，而且 Detail 位造得好仔細，好有立體感，尤其是小籠包嘅外皮，做到一摺摺，嘗一口，原來係雲呢拿忌廉嚟，入口甜而不膩。
至於入面嘅包餡，其實係香濃的焙茶吉士，而底下夾層就有焙茶吉士、意大利軟芝士忌廉同焙茶海綿蛋糕。海綿蛋糕質地好鬆化，食到焙茶嘅微澀同茶香；而意大利軟芝士忌廉入口勁滑溜，質感幼細。個蒸籠食唔食得落肚？當然可以啦！因為係用巧克力製成嘅，食落有淡淡朱古力嘅甜香。如果身邊有朋友生日，但又未諗到買乜野蛋糕，呢款絕對值得大家考慮。
张贴
