三蘇記

营业中

休息中

一向支持小店，加上住喺附近，一心同先生去吃碗雲吞麵支持下哩間新開冇奈嘅麵店。我叫左牛腩米粉同加10蚊白蘿蔔，味道還可以。但先生嘅雲吞麵出事，咬左啖雲吞，竟然唔熟！！入面仲係紅色！即刻同佢地講，佢地都道曬歉，入去再煮過，但一路煮，個廚師一路咳唔停，睇住佢哩頭用手umm 住個囗咳幾聲，嗰頭用返同一隻手嗱起D食材落個煲度煮。。。我地即刻埋單走，未食完嘅野都唔敢食埋佢。佢地自動冇收雲吞麵份錢，但錢唔係重點，好明顯廚師唔舒服唔應該返工。煮唔熟真係太離譜，而且開放式廚房客人睇到聽到一清二楚，一路咳一路煮實在感覺非常差。小店做熟客，希望可以聽取意見有所改善。但短期內唔敢再試！