○de▽ 鯛白湯らーめん (電氣道)

营业中

休息中

本來店外面完全無人排隊 咁我就兩個人係門外排隊 期間亦一位店員好耐心介紹食物 咁本來都相安無事 等候期間亦有同該位店員傾下計 問下該鋪頭可以用乜野方式俾錢咁突然間就無啦啦殺出兩個大陸女人 企正係門口前面問三個人有無位 咁店員亦都用普遍話答佢未有位 咁佢兩個大陸女人就一直企係門口等 而佢地同行嘅男性友人就企係我地後面排隊點知鋪頭入面有人食完出黎 佢兩個大陸女人就衝上前想入鋪 而店員哥哥亦都換左人 跟住我就同新果位講係我地排隊先 大陸女人就話佢地十分鐘前黎過無位 跟住行開左 所以係佢地黎先我笑左啦大佬 咁都得嫁咩？最好笑係咩？係店員話果張係枱係for多人(四人枱就唔可以兩個人坐？)所以到最後就係果三位打尖人仕入先講到依度都無聲出啦 係佢地揀野食期間 我地已經走咁嘅安排入座方式 就算你間鋪頭啲野食幾好食都無用 講真我係特登想黎試下食 你咁樣嘅態度點叫人去幫襯？行開左都叫排隊？四人枱唔俾二人坐？你間咁嘅鋪頭咁做生意嫁咩？咁以後我經過都當排隊啦 我以後直接行入去就話我幾日前已經排左隊咪得囉 所以唔洗食我都會俾最低分你依間鋪頭