雲桂香米線專門店

营业中

休息中

今日又係同老公加我妹出去覓食嘅日子，因為要去力生商場買野所以就去左路德圖搵野食，突然間見到雲桂香就諗起好耐都冇食過米線所以就入去食下。我地每人叫左碗米線加一個小食。夫妻肺片：唔知點解佢加左d牛𦟌落去，似係夾硬搵野填滿佢咁，都唔係真正夫妻肺片，味道又唔夠辣，得個咸字。豬耳小鍋酸辣米線：湯底完全冇酸味，我叫左小辣係完全唔辣嘅。豬耳已經淋哂.....腩肉小鍋米線：腩肉比較少，瘦肉嘅部分比較多，味道都係一樣太咸。不過三十幾蚊黎講都算係咁了，不過下次未必會再黎，荃灣大把好食嘅米線，呢度嘅員工都係態度一般，會望到你當睇唔到，落單時我都叫左好耐先有人理我。