呢間真係性價比之王🤑宜家仲要推出重大優惠‼️
$8一碟薄切牛舌，每人限嗌一碟，唔洗同朋友Share😈可以獨食😈話就話薄切，但係口感都ok，幾有咬口😝
呢到仲有好Signature嘅九宮格🔹差唔多次次黎都叫呢個，有3個價位，我哋揀最平嘅都好夠食，貪佢一次過可以試多幾款肉😙「上•九宮格」分別有厚切牛舌芯、韓式護心肉、一口牛、和牛三角腩、和牛五花、手切牛頸脊、栗子豬五花、鮮雞爽肉、活白鱔。最鍾意係和牛三角腩，油花十足入口即化唔洗點咬🥹一人一件就啱，食得多就變膩🤣韓式護心肉都正，好入味，無咁肥又有咬口😋
我哋仲食左和牛壽喜燒，店員用火槍燒燒到5成熟左右，再沾上蛋黃加醬油，配上一粒飯食，好滿足😚除咗牛，雞肉都好食，柚子漬雞肉山份量多！肉質好滑！
小食方面，我哋要左蜜糖牛油蕃薯條🍟望住啲牛油溶🧈好邪惡，但真係好香口，我哋未燒肉之前已經食晒成碟😂
仲有粟米天婦羅都好好食🌽無乜粉漿但啲粟米都痴得好好，一粒粒脆卜卜😍
今次我地無叫紫菜飯，反而想試日式拌冷麵，麵質Q彈，配燒肉食無咁肥，好清爽！
