上菜前職員提醒我地仲有一個冬瓜盅會唔會需要就直接點了。講真冬瓜盅樓下酒樓快餐店都會有，但做得咁溫潤清甜嘅真係第一間，海鮮比得足至於連唔食海鮮要揀走d料出來嘅朋友都話佢甜而不腥，湯水本身比冬瓜略多，到最後有d剩料大家都搶曬，絕對係本日最佳。
然後煙燻老爺雞都係提前預訂嘅，個人幾中意佢燻到入肉嘅香味同滑身雞肉，不過同行朋友覺得佢係燒得太過有苦味，另一位以前有食過嘅朋友覺得之前味道唔同，同職員確認即刻二話不說幫我地取消左。後續叫左蔥油雞，雞肉都係係同樣質素嘅滑，但不如煙燻得我心。
豬油撈飯就比較普通，油渣雖然香，但並冇特色味道。陳村粉就比較特別啦，煎底陳村粉淋上魚香醬香口又惹味。
綜合體驗都唔錯，不過佢地常規菜都會賣曬，想食到要提前訂，另一個缺點係冇直屬停車場，去搵其他停車場都比較遠。
