老虎堂黑糖專売 (渣甸街)

营业中

休息中

近幾個月最hit嘅台式飲品店非老虎堂莫屬。之前每次經過都要大排長龍，今次閒日翻工時間，仲毛毛細雨，比較少人先敢排隊買。隔離有另一間同樣以炒黑糖為賣點嘅台式飲品店。佢會教埋你點搖，搖幾多下，仲叫你記得打卡幫佢宣傳一下。佢個外形由於D黑糖比較黏稠搖動拉出嘅花紋有D似老虎毛皮咁樣，可能因為咁樣所以叫做老虎堂。本身叫咗走冰，但佢無幫我走到冰，有D失望。終於到飲嘅呢一刻，佢係真老虎，定係貓仔狐假虎威嘅紙老虎，一試就知。嗒下佢試下佢嘅虛實。飲落偏甜，但又唔係好單純嘅甜，應該就係炒黑糖味，我幾鐘意。由於無走到冰，夠晒凍。奶味茶味唔算好突出。珍珠嘅外面好軟，中間亦唔會好韌。非常好。平時飲珍珠奶茶會覺得珍珠太多，因為唔好食，呢個老虎堂就唔會，佢個珍珠係少有嘅咁好食。但到咗後面由於溶冰嘅原故所以味度變淡咗，變得唔夠濃味，失色好多。所以建議一定要係冰未溶化太多嘅時候飲，又或者走冰。總括嚟講，味道未溶冰前非常唔錯，值得推薦。但由於有好多因素，例如人多排隊、唔便宜......唔建議專程嚟排好長嘅隊買嚟飲，如果隊唔係太長可以排嚟試下，都幾好飲。