店鋪系譽發廣場ge4樓，都非常容易搵到。
上到去，餐廳比人ge感覺就係都幾有越南ge特色，整齊ge枱凳配合整齊擺放ge餐具，柔和ge燈光，比人一種幾舒服ge感覺。
坐底之後，睇睇餐牌，發現都好多野食，甚至連黑魚翅，龍蝦，鮑魚都有！！咁當然我無食得咁豪氣啦XD
叫咗一些親民d ge菜式，椰子烏雞排骨燉湯，泰式生蝦刺身，串燒雞+豬，生牛肉河粉，豬頸肉撈檬粉，軟殼蟹牛油果卷，芒果糯米飯，飲品叫了海底椰冰同越南咖啡。
餐廳系一間夾雜越南菜+泰國菜ge餐廳，可以一次過滿足我呢d喜歡食東南亞菜ge朋友，等咗一陣就上菜了。
椰子烏雞排骨燉湯（$52）
燉湯夠曬火候，味道清甜，有淡淡ge椰子香，而且唔會好重味精，適合女士飲用，滋陰養顏！！鮮甜嘅感覺唔鹹唔淡，
泰式生蝦刺身（$95）
食泰國菜一定要點生蝦!!呢度ge生蝦刺身有8只,而且都係大大只,肉質比較彈牙扎實,唔系死蝦!幾新鮮,配合紅椒和蒜片,點埋距個醬汁,非常好味,而且醬汁調教都唔錯,唔會好辣,有青檸味,好正!!好開胃大件夾抵食，平時去九龍城食泰菜都係得六隻咋，必定會來呢度再食
串燒雞+豬($12/1串)
無論豬肉和雞肉都燒得啱啱好,好滑,完全唔鞋口,而且好厚肉，好多肉汁，串燒個重點系距個沙爹醬度,好好味個沙爹醬,如果多人可以叫好多串食!!!正啊!平時出去食串燒好多時會覺得有雪味，做到咁嫩滑，我方便啱啱好，我估個廚師都有返咁上下功力。
軟殼蟹牛油果卷（$68）
好精緻ge一道菜式,好似置身系東南亞ge叢林一般,炸得金黃香脆ge軟殼蟹,和成熟曬ge牛油果,夾雜一點點蔬菜,再用米紙卷住,點上一點點泰式辣醬食,非常yummy!!!你系可以想象到幾咁豐富成個口感,而且好fresh,唔會好油膩ge感覺!
非常推介ge一道小食!!:)
生牛肉河粉，豬頸肉撈檬粉都好好食，份量亦都非常足料，特別豬頸肉烤得好好味，撒上一點點花生碎，好好味，而且牛肉湯河ge牛肉非常嫩滑，湯ge味道清甜。去呢度食下午茶同晚餐到抵。
芒果糯米飯（$52）
甜品就叫了芒果糯米飯,精緻ge擺盤令人眼前一亮,而且好喜歡距ge竹碟,好有東南亞風味,而且選用健康ge黑糯米,有咬口,軟糯,椰漿也很香,配上時令ge香甜芒果,令到成餐飯更加完美!
由於太口痕所以啲叫多咗個多士，同埋一杯三色冰，兩樣都好好食。東南亞各種菜都做得出色。
非常推介ge餐廳,店員服務好之餘,食物ge質素真係好正,份量又足!!而且價錢又相宜真係全5分!的確系非常適合朋友或者家庭過來聚餐ge好地方!
