影片
更多
2021-09-23
115 浏览
自小在九龍城區附近長大，見證呢個舊區的改變。第一波衝激係1998年啟德機場搬去赤鱲角，高度限制放寬，很多舊樓被清拆建成高樓大廈。好彩廿三年來既改變未至於面目全非，除左九龍城廣場同太子道西外，區內連鎖店不算多，都仲係充滿潮州味泰國味糖水味同街市味，買既嘢食嘅嘢加埋個份情懷係大商場替代吾到。第二波衝激就是今個夏天開通的屯馬線，宋王臺站延伸到九龍城，會否加速呢區既士紳化？舊樓會否加速清拆？業主會否瘋狂加租令小店結業繼而連鎖店進駐？舊區的歷史文化會否褪色？於我而言就真心希望唔會喇！屯馬開通最興奮的應該是業主。宋王臺台站兩個出口開在九龍城南角道，出口旁成段南角道的舊樓已經清拆成為地盤，兩年後將會有高聳、奪目、華麗的「豪宅」落成。不過，新有新嘅吸睛，舊有舊嘅內涵，你睇八月尾完成復修嘅中環街市，日日人山人海，就知道老舊事物都有佢嘅魅力。正正就係南角道不日推出的豪宅對面，有一幢夾在夾縫中的戰前唐樓，經已丟空多年，但兩個多月前地舖卻開了一間coffee shop，直接取名「南角」。騎樓柱、大露台、樓頂雕花石牌、門口的通花鐵閘、金漆掃上「怡順榮」的古老木牌匾、牌匾後的木欄柵及閣樓、麻石牆身…….像一個老人
第二波衝激就是今個夏天開通的屯馬線，宋王臺站延伸到九龍城，會否加速呢區既士紳化？舊樓會否加速清拆？業主會否瘋狂加租令小店結業繼而連鎖店進駐？舊區的歷史文化會否褪色？於我而言就真心希望唔會喇！
屯馬開通最興奮的應該是業主。宋王臺台站兩個出口開在九龍城南角道，出口旁成段南角道的舊樓已經清拆成為地盤，兩年後將會有高聳、奪目、華麗的「豪宅」落成。
不過，新有新嘅吸睛，舊有舊嘅內涵，你睇八月尾完成復修嘅中環街市，日日人山人海，就知道老舊事物都有佢嘅魅力。
正正就係南角道不日推出的豪宅對面，有一幢夾在夾縫中的戰前唐樓，經已丟空多年，但兩個多月前地舖卻開了一間coffee shop，直接取名「南角」。
騎樓柱、大露台、樓頂雕花石牌、門口的通花鐵閘、金漆掃上「怡順榮」的古老木牌匾、牌匾後的木欄柵及閣樓、麻石牆身…….像一個老人給我們講故事，講一個關於他八十年前在九龍城出生、長大、風光過，然後步入風燭殘年的故事。
不過，老人不甘倒下，經歴「大翻身」後，不賣五金機器，轉行賣咖啡， 仲利用本區的品牌如腐乳及泰國香料製作fusion 菜，加入地區特色。
我光顧時系早餐時段，叫左客Big brekkie(all day breakfast )，食材非常豐富，擺盤靚，色彩豐富，即叫即煮。
炒蛋西班牙火腿黑魚籽多士, 炒蛋香滑不油膩，sourdough 外脆內軟。English breakfast 茶味香濃。
美中不足嘅係，coffee shop 系open kitchen, 煮食時難免會發出噪音，同朋友傾計時會覺得有dd嘈。不過，其實呢d都係香港特色嚟㗎喎！😂😆
下次要下午或晚上嚟，試吓佢嘅忌廉腐乳帶子意粉、西多士，同埋斑蘭椰啡先😝
門口有少量精品出售
张贴
