影片
更多
2017-06-19
951 浏览
串燒??係大家眼中算係一種咩類型既食物??我只流連深水步，長沙灣。講真我只覺得串燒只係一D好普通既野，食黎食去都係個D食材整黎整去都係個D整法，味道黎黎去去都係個D味道，冇咩特別，最多都係有D少見既食材罷~但我朋友極力推介位於銅鑼灣既呢間 bilibala ，聽名係幾特別既，唔知會唔會有驚喜。見佢係我最腹既拉麵店 - 拉麵JO後邊，去下冇所謂，最多食唔夠去食拉麵黎到朋友推介既串燒品，串燒店地方不大，係優閒類既餐廳。門外有兩枱外國人係度食野傾計。餐廳用既燈光，令整體俾人既感覺好舒服放鬆! 雖然地方唔大，但以黑色格調既0配上灰色牆身，再掛上藝術畫，佢既感覺簡單係外國酒吧!非常寫意對餐廳整體感覺已經有啲期待，真係有別於一般串燒餐廳店內既感覺十分寧靜舒適，見到吧枱好明顯會覺得佢係做酒吧，但原來仲有串燒呀!menu入邊，不論酒定係食物都種類繁多!唯一唔同既係佢係以日式酒同菜式做主題，以西式做配搭既感覺，都係第一次見!黑板仲有餐廳推介既食物，都係日式為主!!先黎一個杯sex on the beach，果香味好重，雖然主打日式，但一般cocktail都唔馬虎冷盤我最愛凍蕃茄同凍豆腐，唔係每間日式餐廳
我只流連深水步，長沙灣。
講真我只覺得串燒只係一D好普通既野，食黎食去都係個D食材
整黎整去都係個D整法，味道黎黎去去都係個D味道，冇咩特別，最多都係有D少見既食材罷~
但我朋友極力推介位於銅鑼灣既呢間 bilibala ，聽名係幾特別既，唔知會唔會有驚喜。
見佢係我最腹既拉麵店 - 拉麵JO後邊，去下冇所謂，最多食唔夠去食拉麵
黎到朋友推介既串燒品，串燒店地方不大，係優閒類既餐廳。門外有兩枱外國人係度食野傾計。
餐廳用既燈光，令整體俾人既感覺好舒服放鬆! 雖然地方唔大，但以黑色格調既0配上灰色牆身，再掛上藝術畫，佢既感覺簡單係外國酒吧!非常寫意對餐廳整體感覺已經有啲期待，真係有別於一般串燒餐廳
店內既感覺十分寧靜舒適，見到吧枱好明顯會覺得佢係做酒吧，但原來仲有串燒呀!
menu入邊，不論酒定係食物都種類繁多!唯一唔同既係佢係以日式酒同菜式做主題，以西式做配搭既感覺，都係第一次見!黑板仲有餐廳推介既食物，都係日式為主!!
先黎一個杯sex on the beach，果香味好重，雖然主打日式，但一般cocktail都唔馬虎
冷盤我最愛凍蕃茄同凍豆腐，唔係每間日式餐廳都有整，但一見到有我必點!
黑松露冷日本蕃茄!
日本蕃茄夠大夠厚身，蕃茄溫度夠凍，但又唔會雪到硬哂起冰粒
食落厚實既口感十分清新，帶有淡淡既蕃茄香甜，加上醬汁同黑松露，味道更香更鮮味
生磨芥末青瓜漬
涼拌類青瓜我都好鍾意，味道似自己平時整既wasabi豉油點。但食得出係靚芥末，食落味香之餘唔會攻鼻。同蕃茄應該係用同一個醬，撈青瓜食令蔬菜本身既味道更突出更甜
之後店員俾左三款自家製醬汁我地配串燒食。上至下順次序係柚子，梅子，面豉醬汁。
未有野食點左少少試味，
柚子味道帶甘甜，食落好清新
梅子微酸帶甜，好開胃
面豉比較普通，就係平時食開既味道
玉子蛋
呢份玉子蛋係我食過玉子蛋以黎最好食既!唔係誇張，平時食既玉子蛋比較乾身挺身，因為要有返咁上下熟先卷得到同固定到形狀。但呢度既玉子蛋好濕潤軟綿綿好多汁，入口個仲暖粒粒。我問店員係咪有咩袐訣，佢淨係笑笑口問我好唔好食，好想沖入廚房睇下佢點整
除左口感，玉子既甜味適中，但口感真係無得輸
鹿兒島豚角煮
豚肉應該係腩肉部位，肥瘦比例非常好，少肥，呢個比例食得多都唔會覺油膩! 入口既口感又係軟綿綿!!!質感煮到煲湯既豬舌咁，好軟入口即溶，但本身都幾厚身，廚房班底既質素太好配上甜醬汁，豬肉又香又甜又林
煙肉黑豚卷
一黎個陣睇落以為係肥牛包煙鴨胸，食落先知原來係煙肉包黑豚肉。可能比較少食用煙肉包既卷。味道唔錯但不太特別，煙肉味有點淡。
燒豆腐
應該係炸左再燒?
個人覺得燒豆腐本身好怪，豆腐應該放湯或煮做甜品會更好。
btw，呢度既豆腐幾香豆腐味，見到外邊既顏色咁深以為佢會比較乾身，但入邊都仲幾多水，而外皮仲係好脆
牛舌
牛舌本身有自己既韌度，要厚身少少竹有咬口，而呢度既牛舌切得比較厚身，係我鍾意既厚度。食落香林，點左少少面豉汁，加添少少咸味更好食
日本雞屁股
店員推介既時候話食材本身好乾淨無異味。食落真係無乜味!雞味都唔多lol但串燒既口感同我平時白切雞既口感唔同。白切雞既屁股都會有點咬口，因為入邊仲有少少軟骨。但燒出黎既有咬口得黎又爽脆，燒完之後收左水真係好食啲。同埋日本既真係無個陣雞既騷味
黑毛和牛
一般和牛口感，油脂分佈均勻所以食落軟腍，牛肉味較淡。呢個點左柚子醬，中和下油脂。食落有少少甘甜，我覺得同和牛幾夾
燒芝士年糕
除左玉子蛋，呢一份係另一種咁耐以黎食過最好食既!!其實我好憎食芝士年糕唔係朋友話想食唔會點!因為點整我都只覺得食緊麵粉，淨係煙韌，無味道，即刻加左芝士，都係好淡又濟，食完覺得浪費左我既胃容量。但呢個我食完對年糕有360度改觀......我一拎起咬落去之後我係有問店員係咪俾錯左我地?佢話"無錯，係芝士年糕"個一刻我係呆左佢既口感就好似一粒完全解凍既雪米糍食落有淡淡既芝士香，成件事太match。軟綿綿既質感令我十分疑惑，極竟係燒先有咁既效果，定係材料問題，定係做法問題?
太好食
明太子，木魚碎，梅子飯團
燒飯團味道一般，可能已經食太多濃味既野，再食飯團會口淡淡。但飯團燒得又香又脆，鍾意燒飯團既可以一試。
燒豬手
呢份豬手好有特色，原因係在於佢煮得好腍!係啲骨都腍埋，咬落好似食緊䉀渣骨咁。。。不得不佩服廚房既師傅煮得咁腍個仲未煮得爛隻豬手，然後仲可以拎去燒，真係意想不到。食落同食開既唔同，係一種新口感，腍得黎豬手既膠質粘性比例重，可能佢用甜醬汁煮過既關係，粘性就似糖漿煮到起膠咁。正如我講，啲骨係真係腍到可以食埋落肚，當然太大舊個啲唔得。口感一流!但味道我覺得咸左少少，可能燒之前用醬汁煮太耐，如果改善到長時間煮完之後都唔會太咸，呢份豬手值100分!!!
食完之後我覺得平時食開既港式串燒認真麻麻.......雖然個個都知平時都係得豬雞牛羊食，但烹調手法既配搭同創新，對食物口感同質素真係有好大影響!!!
呢間餐廳我十分推介喜歡串燒既朋友。
玉子卷同燒芝士年糕真係極力推介!!!!!!!
其他肉類同蔬菜就睇個人喜好，但不得不說。餐廳整體食物質素好高，燒物各樣燒完出黎仍然水份足。火喉既控制實在太好，唔會太乾身又保持到食材既水份
埋單個陣聽店員講，每逢星期日有live band表演添!!
张贴
