靚靚 不一樣的車仔麵

营业中

休息中

平時喺公司樓下canteen食到已經厭晒，真正體會到乜叫“食龍肉都無味啊”…同事同我一樣深有體會，今日約埋一齊落街食，一點就點中車仔麵！！我叫咗份牛腩豆卜蝦籽麵，佢就要咗個土匪雞黑松露煎蛋飯，兩個人可以share嚟食嘛！！！仲要咗一碟腐乳通菜。牛腩麵啲麵好好食，又唔容易斷，豆卜粒粒都好大，食之前喺啲湯度浸一浸，等啲湯入晒豆卜再食，味道真係一流！！！牛腩多汁夠味，湯底鮮甜！原本淡淡無奇嘅通菜，加咗腐乳之後真係味道唔同晒，通菜好新鮮，炒得個色水好靚土匪雞黑松露煎蛋飯，土匪雞非常入味，黑松露味道香濃，煎蛋無煎得好熟，同事話佢最鐘意半生熟嘅蛋，撈飯特別好味～