1091
45
24
等级2
27
0
2021-10-26 46 浏览
對於飲咖啡嘅我,聽朋友介紹完呢間之後,終於忍唔住要後一嘗!首先想講嘅係,店員服務態度超好!👍🏻 而且好食之餘又抵食!我同女朋友兩個人就叫左兩杯野飲同兩個輕食。青醬雞胸沙律 $83必點之選,沙律菜醬個調味酸甜適中,食完勁開胃!青醬雞胸肉,嫩滑有𡁻口,減緊肥嘅都可以食,正!西多士伴鮮醬果雪糕楓糖漿或自家製焦糖醬 $69同一般既港式西多士唔同,用咗士多啤梨果醬代替花生醬,配上士多啤梨、藍莓同自家製焦糖醬。一般出面嘅焦糖醬都好甜,但呢到唔會過甜,而且帶咸味,似海鹽焦糖醬。至於雲呢拿雪糕,食得出呢間有著天然既雲呢拿香味,而且又係唔會過甜。成個配搭真係fullfil 到surgar craving嘅我又唔會有guilt feeling!Earl Grey Chocolate $40呢個都有驚喜,本身怕朱古力味會蓋過伯爵茶個味,點知係第一啖佢嘅朱古力味比較濃郁,但係之後伯爵茶嘅味道就開始湧現出嚟。好似愛麗絲夢遊仙境咁,充滿驚喜!Latte $37佢嘅咖啡真係做得幾出色,比較nutty嘅咖啡味,不過有上牛奶中和返,整體上黎講唔會太酸。總括黎講,環境、氣氛同食物質素都極高質,加上店員超Nice,成個用餐
更多
對於飲咖啡嘅我,聽朋友介紹完呢間之後,終於忍唔住要後一嘗!首先想講嘅係,店員服務態度超好!👍🏻 而且好食之餘又抵食!
我同女朋友兩個人就叫左兩杯野飲同兩個輕食。
13 浏览
0 赞好
0 留言

青醬雞胸沙律 $83
必點之選,沙律菜醬個調味酸甜適中,食完勁開胃!青醬雞胸肉,嫩滑有𡁻口,減緊肥嘅都可以食,正!

西多士伴鮮醬果雪糕楓糖漿或自家製焦糖醬 $69
同一般既港式西多士唔同,用咗士多啤梨果醬代替花生醬,配上士多啤梨、藍莓同自家製焦糖醬。一般出面嘅焦糖醬都好甜,但呢到唔會過甜,而且帶咸味,似海鹽焦糖醬。至於雲呢拿雪糕,食得出呢間有著天然既雲呢拿香味,而且又係唔會過甜。成個配搭真係fullfil 到surgar craving嘅我又唔會有guilt feeling!

Earl Grey Chocolate $40
呢個都有驚喜,本身怕朱古力味會蓋過伯爵茶個味,點知係第一啖佢嘅朱古力味比較濃郁,但係之後伯爵茶嘅味道就開始湧現出嚟。好似愛麗絲夢遊仙境咁,充滿驚喜!

Latte $37
佢嘅咖啡真係做得幾出色,比較nutty嘅咖啡味,不過有上牛奶中和返,整體上黎講唔會太酸。

總括黎講,環境、氣氛同食物質素都極高質,加上店員超Nice,成個用餐體驗好美滿!
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2021-10-23
等候时间
15 分钟 (堂食)
人均消费
$110 (午餐)