影片
更多
2020-10-14
82 浏览
見到好多人都話唔錯，like又多過dislike，今日終於一試。1）咖啡☕️ 3/5整體味道唔錯，個人覺得溫度同香味唔夠。可能我偏好烘焙味重既咖啡。今次叫左杯piccolo latte，男友揀flat white。兩杯拉花都好得體，不過等餐大約20分鐘後已經見奶蓋面出bubble，唔肯定係咪打奶唔夠厚。2）意粉🍝 2.5/5見到好多人大力推介，但個意粉係真心失望。上餐後影咗兩張相已經即刻放入口，不過都係唔夠熱。雖然賣相係OK，意粉口感都合格，但係完全唔入味又唔掛汁。個白汁好水，蕃茄嗰個又偏乾。補充番其實今日要嘅係一個套餐，包左一個南瓜餐湯，但個南瓜湯都係非常水，無味，所以相都冇影。3）服務 🤵🏻 2.5/5門口有位女侍應，問我哋幾位之後俾咗本Menu我哋叫我哋自己坐低，並無帶位。另外要主動問先知道餐具係佢哋送餐時先俾我哋。其次冇咩特別，冇笑容但係都冇黑面，唔會激嬲客人，但完全感受唔到其他食評講嘅好好服務。😰 總結：如果無地方去只係想飲杯咖啡等人，可以一試。
1）咖啡☕️ 3/5
整體味道唔錯，個人覺得溫度同香味唔夠。可能我偏好烘焙味重既咖啡。今次叫左杯piccolo latte，男友揀flat white。兩杯拉花都好得體，不過等餐大約20分鐘後已經見奶蓋面出bubble，唔肯定係咪打奶唔夠厚。
2）意粉🍝 2.5/5
見到好多人大力推介，但個意粉係真心失望。上餐後影咗兩張相已經即刻放入口，不過都係唔夠熱。雖然賣相係OK，意粉口感都合格，但係完全唔入味又唔掛汁。個白汁好水，蕃茄嗰個又偏乾。
補充番其實今日要嘅係一個套餐，包左一個南瓜餐湯，但個南瓜湯都係非常水，無味，所以相都冇影。
3）服務 🤵🏻 2.5/5
門口有位女侍應，問我哋幾位之後俾咗本Menu我哋叫我哋自己坐低，並無帶位。另外要主動問先知道餐具係佢哋送餐時先俾我哋。其次冇咩特別，冇笑容但係都冇黑面，唔會激嬲客人，但完全感受唔到其他食評講嘅好好服務。😰
總結：如果無地方去只係想飲杯咖啡等人，可以一試。
张贴
