銅鑼灣呢間和風庭園佈置嘅餐廳🎐環境舒適，仲有好多貓貓裝飾🐱餐廳主打無麩質日式班戟同輕食，以全日本空運食材，獨家研發技術製作極具日本風味嘅班戟🇯🇵
🍠金時蕃薯 Mont Blanc 班戟 $138
招牌甜品之一，外形美觀📸使用日本鳴門金時蕃薯，稍作調味，製成新鮮香滑條狀蕃薯蓉，口感綿密且香甜。至於班戟，🐷揀左抹茶味，茶味清香中和甜味。士多啤梨雪糕有好多果肉，推薦呢個配搭🤩
🐄濃蕃茄牛肋條配烏冬 $138
醬汁質感較似蕃茄濃湯🍅牛肋條非常入味，配菜有大量紅蘿蔔同洋蔥，烏冬口感滑溜。
🏔焙茶富士山 $56
不得了，呢個真係好好味😍！飲品以400次焙茶奶蓋鋪面，先用匙羹品嚐一啖，口感濃厚醇滑，有香濃嘅烘焙味道而不帶苦澀。之後再根據餐廳建議分次攪拌，會有唔同層次嘅口感同味道，逐漸飲到鮮奶嘅香味🥛
☕️雪波茶 $42
又名南非國寶茶，味道同紅茶相似，味道清澈。不含咖啡因，單寧酸含量低，適合大部分人士飲用。餐廳採用日式傳統茶具，同餐廳環境好襯呢。
4
1
