肉肉大米

這間店嘅漢堡排套餐真係有驚喜！我試咗兩款口味，最正係個南洋青咖喱（微辣），咖喱香味好濃郁，微辣程度啱啱好，撈飯食真係一流！另外仲有原味和牛漢堡排，肉質超鬆化，一咬落去肉汁爆發，仲可以將生雞蛋撈勻一齊食，口感更加滑溜。

套餐跟咗白飯同湯，白飯煮得粒粒分明，完美吸收哂咖喱同肉汁。另外加咗杯紀州橘子汁，100%果汁好清新，可以解解膩。$110呢個價錢食到咁高質嘅和牛漢堡排套餐，真心抵食！一定會再encore～