米蔥動

营业中

休息中

今次黎試下位於西環西營盤皇后大道西嘅餐廳，店舖好簡約整潔，客人都坐滿曬。我地今次叫左鹽酥雞溫泉蛋牛肉丼飯、人氣特濃台式牛肉麵、鹽酥雞肉燥飯呢三款主食👍🏻唔夠食仲可以多飯添架❗️呢幾款主食都係推介要食嘅😋我自己就比較鍾意食鹽酥雞溫泉蛋牛肉丼飯🍲，除左啲鹽酥雞好酥脆之外，牛肉份量都好多🥹，呢間勁有良心，好好食😋。而人氣特濃台式牛肉麵可以睇到牛肉份量都好多，好淋唔硬👍🏻一碗兩個人分都得啊👍🏻飲品方面分別嗌左蜂蜜百香果蜜🍯、菠蘿青檸蜜🍍同黑糖珍珠鮮奶茶🧋，每一杯都係即叫即整，而且味道都好鮮甜。當然唔少得小食啦，我都嗌左酥炸海南雞翼🐔、鹽酥花枝丸，呢兩款都勁好食❗️去食嘅話一定要試下，真係冇得頂😋❗️