隆姐泰國美食館

营业中

休息中

我覺得每一個餸都好食！豬頸肉燒得好，夠薄又香口，個汁又夾；蟹肉炒飯都好食，飯夠乾身，望落去好似冇咩料但又出奇地好食，相都影唔到。通菜好食但少辣。椰青就呢個牌子都係好飲嘅。冬陰功湯，足夠海鮮，而且酸辣到適中，椰奶味香，第一次清曬湯。薄餅好食，但俾人說左叫三份，建議叫一份試咗先，唔夠再嗌。咖喱大包外脆內軟，欣賞將軟殼蟹同咖喱分開，軟殼蟹就麻麻哋，但咖喱唔錯，唔知點解有好多蛋，但份量就略少，唔夠點包同薄餅。個麵就麻麻地，太甜同濕。芒果糯米飯好食，芒果又多又大嚿，糯米飯係熱嘅個下好波，推薦!椰汁西米露就冇咩特別～