三餐冰室

营业中

休息中

前排夜晚同朋友喺附近行街經過，甘啱覺得肚餓就是但坐低食啦，見人唔多，都多少容易伏，點知真係伏到飛起。我地大家叫咗每人一個鐵板餐試下，個鐵板熱辣辣送過黎，圍巾仔都冇件比，啲汁彈到周圍都係，連件衫都彈到唔少，不過鐵板夠熱就算啦。味道一般，肉質一食就知道唔係乜靚野，但係最過分係牛扒難嚼，豬扒一咬就知道落咗大量松肉粉，啲雞扒嚼耐咗仲feel到有陣酸味，太過失望。最慘係啲湯，個紅湯鹹到癲，飲完真係可以走出去同人講我食鹽多過你食米。現場環境麻麻，檯面有抹但係唔算乾淨，用紙巾用力一抹就見到唔少油污。樓面現場態度OK，但係食緊野嘅時候可以聽到樓面喺廚房大聲講野，似乎同廚房有乜爭拗，吵到多少都有啲影響情緒，之後見有個黑口黑面走出黎，個嘴細聲喺度up野鬧人，真係見到都令人唔開心。最後埋單三百左右，食物味道同質素都對唔住個價錢，衛生麻麻，啲樓面仲要多少有啲撩事斗非，甚至可以影響顧客心情，真係不可一不可再。