影片
更多
2022-10-01
349 浏览
呢排間唔時就會入東涌行下，搵間靚餐廳，望住無敵海景，睇飛機升降，好有渡假feel ！T-Bay附近有幾間特色餐廳我都好鍾意，呢次就去咗墨西哥餐廳La Vista！餐廳有戶外用餐區，環境好chill，如果早少少到仲可以睇到日落，可惜呢晚無啦啦落雨，我哋唯有移師室內。不過室內環境一樣好靚，裝潢鮮明活潑舒適，充滿墨西哥特色！店員服務都熱情友善，推薦！我哋點咗幾款食物都好有水準！Fajitas Al Pastor Pork（鐵板烤豬肉）鐵板將豬肉嘅自然油脂逼出，烤豬肉肉質爽彈，毫不嚡口，份量仲超慷慨，配搭牛油果醬、 蕃茄莎莎及酸忌廉，好有風味！配菜都好多好惹味！Queso Fundido Beef（墨西哥芝士鍋）($188)芝士控必點！上枱時就可以聽到芝士沸騰滋滋作響嘅聲音，好療癒！芝士輕易拉絲，牛肉配菜份量十足，用軟熟嘅tortillas包住，加上開胃清新嘅蕃茄莎莎，口感飽滿，味道豐富又唔油膩！Fish Tacos($108)Tacos係我最鍾意嘅墨西哥菜式！店員會問想要soft定係crispy皮，我鍾意soft嘅，包住炸得香脆嘅炸魚、蕃茄莎莎、洋蔥、紫椰菜，好食！Chicken Skwer
不過室內環境一樣好靚，裝潢鮮明活潑舒適，充滿墨西哥特色！店員服務都熱情友善，推薦！
我哋點咗幾款食物都好有水準！
Fajitas Al Pastor Pork（鐵板烤豬肉）
鐵板將豬肉嘅自然油脂逼出，烤豬肉肉質爽彈，毫不嚡口，份量仲超慷慨，配搭牛油果醬、 蕃茄莎莎及酸忌廉，好有風味！配菜都好多好惹味！
Queso Fundido Beef（墨西哥芝士鍋）($188)
芝士控必點！上枱時就可以聽到芝士沸騰滋滋作響嘅聲音，好療癒！芝士輕易拉絲，牛肉配菜份量十足，用軟熟嘅tortillas包住，加上開胃清新嘅蕃茄莎莎，口感飽滿，味道豐富又唔油膩！
Fish Tacos($108)
Tacos係我最鍾意嘅墨西哥菜式！店員會問想要soft定係crispy皮，我鍾意soft嘅，包住炸得香脆嘅炸魚、蕃茄莎莎、洋蔥、紫椰菜，好食！
Chicken Skwers($68/2pc)
雞肉串燒正常質素，不過不失。
张贴
