星林居雲南米線餐廳 (已結業)

身為米線控既我梗係要黎試下全港米線排行榜頭十位之一既星林居啦！佢地鋪面連上層加埋都幾多位置，不過樓上唔係成日開放，所以有時見到有人排隊都唔出奇。我叫左碗小窩米線小辣多芫茜、走韭菜、走蔥、小酸，加蘿蔔、墨魚丸同金菇菜。呢間既好處就係可以自己仔細咁選擇配料！不過好明顯佢就俾錯左我啦...佢地既湯底好濃，都可以話係好多味精！小辣唔係好辣，算係有d辣味。墨魚丸得兩粒，份量太少了，不過都幾彈牙同重墨魚味。同樣地金菇菜既份量都好少，好唔夠食。蘿蔔煮得夠淋，不過都無咩味，要靠連個湯底一齊食。另外，略嫌佢地既米線煮得淋左dd...我朋友就叫左個微辣加豬腩肉，值得一讚既係佢地既腩肉唔"鞋"。